قلبي بقي اقسي من الحجر

كلم كل ناس البلد عن فلبى البقى اقسى من الحجر
بقيت مسافر فى هواك ياد نيا وما عارف نهاية السفر
كل ما يصبح صباح انا برجو لطفك على ياربى من القدر
وكل ما يجينى ليل بكون معاك بكون معاك ياحبى فى رحلة سفر
ووقت اسمع صوت القمارى انا وحاتك بصبينى الهم والكدر
وكل ما اشوف طيرا مهاجر بقول امكن جايينى من الحبيب خبر
وانا وحاتك ديمة بشم ريحتك فى ريحة الدعاش والغيم والمطر
ونار الفرقة بتزيد فى الامى وبقيت فى خطر
وريدى هناك فى البلد بين الاهل راح واندثر
بحثت عليك فى كل الموانى وحتى محطات القطر
وانا الفى سجون ريدك بقيت اسير وعايش فى ضجر
ما انتى الديمة فكرى بيك مشغول ورحماك ياقدر
وورينى متين تهل لحظة لقاك ويفارقنى السهر
انا بتحسر على الزمن العشتو براى وعمرى الانهدر
انا يوم القاك برجع لعمرى الفرح الراح معاك و اندثر
انا المن غير ريدك كنت تاية فى الدنيا واصابنى الفتر
واللة لو سبتى ريدى فى الدنيا براك مابقدر
انتى ياغالية ريدتى يا جملية يابهجة المنظر
انا مانى زولا عاشق عيونك و محياك يابدر
ربى يسهل ليك طريقك وماتشوفى فى دنياك شر
انا عشتك فرحة وروعة ولكن ياخسارة وياحسرة المنظر