عاجـــــــــــــــــــــــــل الي كل الاعضاء

بسم الله الرحمن الرحيم
الساده الاعضاء
السلام عليكم ورحمه الله وبركاته
نرجو منكم النظر الي هذا الموضوع باهتمام لانه من اهم مواضيع المنتدي
او هو المنتدي نفسه واود في هذه السانحه ان اتقدم بشكري لمن عملو من
اجل المنتدي فهم اخوه آمنو بقضيه وسعو لها واصرو وما بخلو اعطو وبزلو
ولم يتوانو فلهم الشكر
وجاء دورنا الان والمنتدي في امس الحوجه لكل الاعضاء حتي يتم تحسينه
وتثبيته يحتاج الي الدعم ونقترح الاتي
علي كل الاعضاء الادلاء بارائهم صريحتا في استمرار المنتدي
ثانيا دفع رسوم لتسبيت المنتدي وتنسيقه ترسل لحساب الادارة (مروان)
وان تكون الرسوم خمسين ريال او مايعادلها تجمع من كل منطقه وترسل
الي الحساب المعني
ولكم الخيار في القبول او الرفض
نرجو الرد

فلتكن الخطوه الاولى تطوير المنتدى وبعدها الشرفة الغالية علينا
انا اضم صوتى الى الاخ العزيز ابن الشرفه البار مزمل - انا احساسى بيك رغم انك من بورتبيل انت مننا وفينا والله اديك العافيه
والان
مزمل + محمد الزين
هل من مزيد

ود الزين ومزمل لكم التحية والتقدير وقبلها للأخ ود الخضر الذي طرح الموضوع في تطوير المنتدى وإظهاره بالشكل الذي نرغب به ويظهر قضايا الشرفة بكل وضوح وصراحة ونحن على اتم الإستعدا بكل أنواع الجهد والله لا نألوا ولا نقصر وكدى جربونا قوية مش ؟ والي الإمام والله من وراء القصد وهو الهادى لسواء السبيل

احبتي سلام معليش مرة اخرى فأن صراحة أتفاعلت مع الموضع قبل أن أقرأ الطرح السابق و فاتت على بعض النقاط التي اود ان اوردها في الموضوع وهي الإلتزام والإقتناع بالفكرة فقبل أكثر من تسع سنوات وعندما حضرنا من السودان وما نعلمه مشاكل الشرفة وما تحتاجه من دعم والأسر الضعيفة وما تعانيه في سبيل الحصول على مسلتزمات الحياة الضرورية من الماكل والمشرب فقط ناهيك عن كلفة العلاج والتعليم وخلافه فقد كنت وبمبادرة هنا في الرياض مع بعض الأخوان قبل سبع سنوات ونصف وكنا ممتلئين بالحماس وقد تبرعت بان أمر على الناس في منازلهم لتحصيل مبلغ شهري وقدره 10 ريال لأن كثير من الناس تعلل بانه ليس لديه حساب ومن شكاكلة الاعذار المنفرة ولكن شمرت الساعد ولكن كثير من الأخوان اصطدمت بهم ولم يكتب للمشروع النجاح فالخلاف على المغزي عميق فكل يرى أن بين اهله من هو محتاج وكيف تنفق الاموال وهو كلام مقبول بس الطريقة في توزيعه على المحتاجين فيها كثير من الإنحياز وكل يرى ان أقاربه أولى بحسب قربه من مشاكلهم وهموهم فعليه أقترحت عدة إقتراحات بان اولا العمل خالص لوجه الله والمبلغ بسيط ولا يؤثر في دخول الأفراد وانه يقضي كثير من الحاجات للمحتاجين فليقوم كل فرد بكتابة لستة ممن يرى أنهم محتاجون وتكون لجنة وتقيم هة اللستة وتقر اللستة والأسماء المختارة ومن ثم تجري قرعة (كورة) عديل كدة وصريحة ويكون التناوب بعدها في إيصال الدعم وهو ما أراه مناسباً لكي نخرج من الحرج واقترح اللجنة المكونة هنا خالد الشيخ وطه الخضر واضافة ممن ترون فيهم الكفأة ونحن معمكم وموضوع الحساب المشترك هنا في السعودية صعب جداً لكن ليس مشكلة ممكن نساهم فيه وفي فتحه وتطويع علاقاتنا فيه والله وحده المستعان وموضوع ترشيح الاسماء ممكن ترسل القائمة لإدارة المنتدى للسرية وعدم إفشاء معلومات الأسر إلا الي اللجنة المكلفة بذلك وانا في انتظار ردكم

(و قل اعملوا فسيرى الله عملكم و رسوله و المؤمنون)
الاخ محمد احمد والله انت ماقصرت في الطرح والاقتراح
لكن مجهودك الزمان وتبرعك بي مشيك للناس نحنا المره
دي دايرينك تجيبهم لينا في المنتدي ونتفاهم كلنا ونخت
(الكوره واطه) ونعلم بقوله تعالي ( خُذْ مِنْ أَمْوَالِهِمْ صَدَقَةً
تُطَهِّرُهُمْ وَتُزَكِّيهِمْ بِهَا) وبالنسبه لي موضوع الحساب ممكن
اكون حساب شخصي ( ونحن على اتم الإستعدا بكل أنواع
الجهد والله لا نألوا ولا نقصر وكدى جربونا قوية مش ؟ )
ومجرب مامحتاج لي تجربه ونحنا الفيك عارفينها

أخي العزيز وقفك الله والله فكرة حلوة جدا وخيركم خيركم لأهله وبصراحة كدة نحن بنشوف الجمعيات هنا لمختلف القبائل وكيف هم بقدموا الدعم لمناطقهم وكمان هناك ترابط وتواصل نحن ما موجود فينا ونأمل أن يكون هذا المنتدى وسيلة ترابط تعوض الجفاء الحاصل وكمان فكرة الإشتراك الشهري دي مقبولة جدا وأنا أبصم معاكم بالعشرة و على إستعداد لكل ما هو مطلوب منى أى وقت وياريت كمان نقدم مقنرحات لتطوير الخدمات بالشرفة وثقتنا أن الجميع ح يوافقوا

مشكور الاخ وليد
علي الاهتمام واحيطك علما باننا قد تطرقنا
لكل خدمات المنطقه وراجع ارشيف منتدي
قضايانا ستجد الكثير لكن دون جدوي
ونامل الان في تغيير الاوضاع

لك التحيه اول زول امسك في الجرح
ونقول ليك انت( الزمبرت )

طه عبدالله + مزمل +محمد الزين + محمد احمد عبدالله + وليد بدين + محمد محيسى = 6 من 53
هل من .....................

حبينا طه نحن معاكم سير وعين الله ترعاك.حددوا رقم الحسماب يصلكم الإشتراك في الفور والحال.
الإخ محمد أحمد والله إنت من القلائل افي هذا الزمن وربنا يبارك فيك ويبارك عليك وأشكرك على الثقه وفقك الله.
ودالشيخ

الأخوة العزاء اشكر لكم تفاعلكم والله نسأله أن يكون جهدنا وعملنا خالصاً لوجهه تعالي لا نشرك فيه احد ولا نمن به على أحد وتقبل الله منا ومنكم ويا مروان والبقية رقم تلفوني 00966557874978 للتنسيق فيما بيننا والاخوان محيسي ووليد والقريبين مني هنا عثمان الطيب وطه أخوى والجميع هنا سوف يكون رهن اشارتكم وربنا يجمعنا على كلمة سواء ولكم الشكر على سرعة الإستجابة وبارك الله في أوقاتكم واعمالكم وأرزاقكم واولادكم واخلف عليكم وزوج الشباب منا والله الواحد بجد مبسوط لدرجة لا تتصوروها لهذا التفاعل والحشد

مشكورين علي الاهتمام المتوقع منكم
والتفاعل وتناول الموضوع باهتمام
وانا تلفوني 0912374366
للتنسيق واكمال الموضوع

وين البقيه عشان نبدا من اول الشهر
اتكاتفوا على عمل الخير فى اهلكم
الما ليه خير فى اهله ما ليه خير فى الناس

الموضوع ده بالذات ما عاوزنو فى الارشيف

الإخوه الأحباب

صدقاً .. دا أهم رافد من الروافد التى من أجلها قام هذا الصرح والبيت الكبير

ألا وهى التكاتف والتكافل والتعاضد والتعارف ( ولمّه حلوه تحت ضُل نيمه وارفه )

وأن يكون لهذا المنتدى واقع ملموس على أرض المحنّه
أنا شخصياً سعدت بهذا الطرح الجميل وسعدت أكتر بهذا الحماس المُفرح

وبقترح .. على مقيمى الإمارات الدفع .. للحبيب محمد الزين ..

ولو تمت الموافقه على الحبيب محمد الزين يورينا رقم حسابه
بالجد شئ جميل وشئ مفرح وياريت يتم التنفيذ

يا أبو طويله يا صااااحبى
ياخى إنت خت لى معاك وأنا بحولهم ليك رصيد تلفون

مروان عبدالباقى كتب:

اول الشكر كله للاعضاء وانا بعتبر هذا الامر تكليف وممكن اي مشروع او تبرعات تجمع لاي هدف معين بعد جمع التبرعات والمساهمات الشهريه نرسل هذه المبالغ للاخ طه عبدالله بالسودان وتكليفه بالامر ومدّ يد العون لكل الاسر الفقيره وتنمية مدارسنا ومستشفانا حتى نرتقي بالمنطقة مع امنياتي بالتوفيق

الحبيب مروان جزاك الله خير علي الثقه بس يكون معاي خالد الشيخ وابو امنه

ودالمطامير كتب:

الإخوه الأحباب

صدقاً .. دا أهم رافد من الروافد التى من أجلها قام هذا الصرح والبيت الكبير

ألا وهى التكاتف والتكافل والتعاضد والتعارف ( ولمّه حلوه تحت ضُل نيمه وارفه )

وأن يكون لهذا المنتدى واقع ملموس على أرض المحنّه
أنا شخصياً سعدت بهذا الطرح الجميل وسعدت أكتر بهذا الحماس المُفرح

وبقترح .. على مقيمى الإمارات الدفع .. للحبيب محمد الزين ..

ولو تمت الموافقه على الحبيب محمد الزين يورينا رقم حسابه
بالجد شئ جميل وشئ مفرح وياريت يتم التنفيذ

مشكور يا الحبيب عروه ورقم الحساب 219532030001 بنك ابوظبى التجارى

ودالمطامير كتب:

يا أبو طويله يا صااااحبى
ياخى إنت خت لى معاك وأنا بحولهم ليك رصيد تلفون

ما عندك مشكله - لكن انت ما عاوز تبطل الاستنكاح
همهم ههههههههها

والله ماادحلنا المنتدي لينا كم يوم ولكم منا كل العزر والسماح اخوتي
وسامحونا علي تاخر ردنا

ابو عبد الله موافقون واحب اطمئن الجميع بانو
هناك مجموعة كبيرة من ابناء الشرفه مقيمون يالسعوديه ظروف
عملهم تمنعهم من المشاركه معنا في المنتدي ولكن مساهماته الماديه
راح تسلم الي الاخ مروان وقلوبهم معنا والكل اشاد بالمنتدي وتمنو لكم
التوفيق

نحن على استعداد للالتزام بما يدفع الى الامام وسنكون على اتصال بالاخ طه لاجراء ما يلزم

يا الاخ مروان رد الى ود المحيسى والاعضاء

ابو امنة كتب:

نحن على استعداد للالتزام بما يدفع الى الامام وسنكون على اتصال بالاخ طه لاجراء ما يلزم

الحبيب ابو امنه نحنا وراك ومابنبقي براك اتشمر

يا طه
مروان دخل وطلع ولا عبر فى الموضوع باسم البنك

الاخوه الاعضاء
327608010259147 رقم الحساب الأستاذ/مروان

شركة الراجحي المصرفيه..اسم البنك........
وهو جاهز ياود الزين واتفق مع زول للتعديل والتثبيت ومنتظر القروش منكم
ونتوقع انو المبلغ يكفي والهنا البيتصلو بينا بنلمها لي اي مشروع تاني وفي
انتظار ردودكم

كدى رضا نبدا بالموافقين والبقيه تاتى فيما بعد وفى جماعه فى الامارات سوف يدفعون لديهم مشاغل لم يتمكون دخول المنتدى

محمد الزين على كتب:

كدى رضا نبدا بالموافقين والبقيه تاتى فيما بعد وفى جماعه فى الامارات سوف يدفعون لديهم مشاغل لم يتمكون دخول المنتدى

فالننطلق اليوم من الامارات الي السعوديه باول إسهامات من الاعضاء لتثبيت المنتدي
تحرك ايها الهمام محمد الزين ونحن من خلفك

ابشر يا طه وربنا يكون فى العون

طه عبدالله الخضر كتب:

محمد الزين على كتب:

كدى رضا نبدا بالموافقين والبقيه تاتى فيما بعد وفى جماعه فى الامارات سوف يدفعون لديهم مشاغل لم يتمكون دخول المنتدى

فالننطلق اليوم من الامارات الي السعوديه باول إسهامات من الاعضاء لتثبيت المنتدي
تحرك ايها الهمام محمد الزين ونحن من خلفك

انت عارف انا قروشى وبتاعت عروه جاهزه فى السعوديه بس منتظر بقية شباب الامارات عشان تسلم الى مروان وبالتوفيق يا الزبير

الساده الاعضاء الموجودين في السودان
الكلام جانا الناس بدت تدفع دايرين نتفق
طبعا المسؤل ابوآمنه وعصام ود ادريس
ادونا رقم حساباتكم عشان نرسل اشتراكنا
وكل عضو يرسل اشتراكه يرسل رساله
الي صاحب الحساب الذي ارسلت فيه
ومن يدفع باليد سوف نزوده بالتلفونات
ولكم كل الود

الى الاعضاء الجدد

الاخوه الاعضاء
السلام عليكم ورحمه الله وبركاته
الحمد لله قد اثمر هذا الموضوع واصبح الحلم حقيقه فقد تم الاتفاق علي تحديث وتثبيت المنتدي وسوف نزودكم انشاء الله بالرابط الجديد للمنتدي في خلال اليومين المقبلين لذلك نرجو منكم دفع الرسوم التي تقررت لذلك وهي كما زكرنا في اول الموضوع خمسين ريال اومايعادلها وقد تم الاتفاق علي جمع الاشتراكات بارسالها الي حساب السيد مروان وارفقنا اسم البنك شركه الراجحي المصرفيه ورقم الحساب 327608010259147 هذا فيما يخص ناس السعوديه والحمد لله قد كانت اول مساهمه من السيد محمد احمد عبدالله الحلبي فكما عهدناه سباقا فله الشكر اما ناس الامارات فقد كلف بهم السيد محمد الزبن وقد تم تزويدكم برقم حسابه 219532030001 بنك ابوظبى التجارى وناس السودان كلف بهم ابوآمنه وعصام عبدالله دريس سوف نزودكم بارقام حساباتهم انشاء الله فنرجو شاكرين التكرم بدفع الرسوم ولكم كل الود

خطوات ثابته
وهمّه عاليه
وحماس دفاق

إلى الأمام أبناء بلادى
وعين الله ترعاكم

السيد العزيز طه عبداللة الخضر السلام عليكم وعلى جميع الاعضاء والمشرفين ورحمةاللةوبركاتة حاضرين ومستعدين في اي وقت لدعم هذى المنتدى العملاق من اول اطلالتة واسأل المولى عزوجل أن يظل صامدآ بفضل القائمين عمومآ دعمي ودعم اخويا خالد الملقب بالزول السمح وصل بيد العضو خالدابراهيم القلع (ابريد)حيث تشرفنا بوجودة عندنا في جدة من يوم الخميس الماضي واليوم السبت سلمتة دعمي ودعم الزول السمح ونرجو منكم ان تعتبرونا اخوانكم ورهن إشارتكم في اي شي يفيد المنتدى ويجعلة يرتقي في ركب المنتديات العالمية الشامخة وانا عندي يقين بأنة بيصل : مادام عنده هؤلاء المشرفين اللبقين . ختامآ تقبلوا فائق احترامي وتقديري
محمــــــــــــــــدابوبســــــــام الزبيــــــــــــــــــــــــــــــــدي
‏

محمد ابو بسام لك التحية وشكرا على تعاطفكم ودعمكم لمنتدانا وادام الله عليكم نعمة الإسلام والصحة وجعلنا اخوة في رابطة الدين القوية (المسلم أخو المسلم) ومشكور على جهدك ودعم الزول السمح ووفقك الله
من لا يشكر الناس لا يشكر الله

محمد ابوبسام كتب:

السيد العزيز طه عبداللة الخضر السلام عليكم وعلى جميع الاعضاء والمشرفين ورحمةاللةوبركاتة حاضرين ومستعدين في اي وقت لدعم هذى المنتدى العملاق من اول اطلالتة واسأل المولى عزوجل أن يظل صامدآ بفضل القائمين عمومآ دعمي ودعم اخويا خالد الملقب بالزول السمح وصل بيد العضو خالدابراهيم القلع (ابريد)حيث تشرفنا بوجودة عندنا في جدة من يوم الخميس الماضي واليوم السبت سلمتة دعمي ودعم الزول السمح ونرجو منكم ان تعتبرونا اخوانكم ورهن إشارتكم في اي شي يفيد المنتدى ويجعلة يرتقي في ركب المنتديات العالمية الشامخة وانا عندي يقين بأنة بيصل : مادام عنده هؤلاء المشرفين اللبقين . ختامآ تقبلوا فائق احترامي وتقديري
محمــــــــــــــــدابوبســــــــام الزبيــــــــــــــــــــــــــــــــدي
‏

الإخوة الأفاضل//أبوبسام وخالد الزول السمح,,
من هو أبو بسام والزول السمح ؟؟
هم/ إخوه لنا يمنيين بدم سوداني إستميحكم عذرا واقتحم دياركم لاعكس عن طيب وكرم أهلي أســـــرة عبدالله مبارك أســـــــــرة متمسكه بدينها وإخوه يحبون بعضهم, ويحبون الخير لكــــــــــــل الناس .....فلقد شدني في ديارهم ما شدني من وعي وثقافة وترابط وعطاء وكرم وقلت لنفسي أن هذا الدار يشبه داري ويشبهني عله داري ولا ادري وبلهفة وشوق دخلت وكأني سمعت منادي ينادي باللهجة والبشاشة السودانية (أتفضل ادخل البيت بيتك أنت كمان داير عزومه)..
ودخلت واستنشقت هواء عليلا" طيبا" به رائحة البادية والطبيعة والخضرة والجمال .ولروعة المكان ارتاحت روحي فغفوت وفي غفوتي رأيت صباح ابيض واستقبال بالورد والعطر والزهر فتعمقت أكثر لاكتشاف الدار من داخلها دخلت لأرتوي بعبيرهم,,ورقي فكرهم وكرمهم الفياض وساعتها شعرت بكل كلمات الترحيب الوردية الممزوجة بشذى الكرم البدوي السوداني الأصيل وكم كنت في شوق جارف للقاء بهذه العبارات الترحابية الرائعة التي لها وقعها في نفس كل ضيف.
فمرحبا" بأسرة عبدالله مبارك من محمد الي الدكتورة عيوش
وشكرا" علي دعمكم لمنتديات الشرفه
ولكم كل الحب,,